Թուրքմենստանում արգելվել է օգտագործել «կորոնավիրուս» բառը. պաշտոնապես երկրում չկա ոչ մի վարակված

Թուրքմենստանի կառավարությունը արգելել է պետական լրատվամիջոցներին օգտագործել «կորոնավիրուս» տերմինը։ Այդ տերմինը հեռացվել է նաև երկրի Առողջապահության նախարարության կողմից հիվանդանոցներին և դպրոցներին բաժանված թռուցիկների վրայից. նշում է «Լրագրողներ առանց սահմանների» (RSF) պարբերականը։

RSF արևելյան Եվրոպայի և կենտրոնական Ասիայի բաժնի ղեկավար Ժան Կավալյեն հայտարարել է, որ այդ միջոցառումը վտանգում է Թուրքմենստանի բնակչության առողջությունը։

«Ինֆորմացիայի նման ժխտումը ոչ միայն սպառնում է թուրքմեն քաղաքացիներին, ենթարկում նրանց մեծ ռիսկի, այլև մեծացնում է ավտորիտարիզմը՝ կապված երկրի նախագահ Գուրբանգուլի Բերդիմուհամեդովի անձով։ Մենք համառորեն կոչ ենք անում միջազգային հանրությանը արձագանքել և նրան պատասխանատվության ենթարկել  մարդու իրավունքների սիստեմատիկ խախտումների համար», - նշում է Կավալյեն։

Մարտի 13-ին Բերդիմուհամեդովը հրամայել էր երկրի հասարակական վայրերը ծխեցնել սպանդի ծխով։ Ըստ թուրքմեն նախագահի՝ հենդ դրանով էլ երկրի բնակչությունը պետք է պաշտպանվի վիրուսից։

Ըստ պաշտոնական տեղեկատվության՝ Թուրքմենստանում չկա ոչ մի վարակված մարդ։