Սիրիայի հարցով հաջորդ գագաթնաժողովը հնարավոր է Իրանում անցկացվի. Ռոհանին առաջարկ է ներկայացրել Պուտինին

Իրանի նախագահ Հասան Ռոհանին հեռախոսազրույցի ժամանակ Ռուսաստանի նախագահ Վլադիմիր Պուտինին առաջարկել է Սիրիայի հարցով հաջորդ գագաթնաժողովն անցկացնել  Իրանի Իսլամական Հանրապետությունում. գրում է ՏԱՍՍ-ը՝ այսօր՝ մարտի 3-ին, Դաշնության խորհրդի արտաքին հարաբերությունների հանձնաժողովի նախագահ Կոնստանտին Կոսաչյովի հետ հանդիպման ժամանակ ՌԴ-ում Իրանի դեսպան Քազեմ Զալալիի խոսքերին հղումով. հայտնում է Yerkir.am-ը:

«Մի քանի օր առաջ հեռախոսազրույց է տեղի ունեցել նախագահներ Ռոհանիի եւ Պուտինի միջեւ: Հեռախոսազրույցի շրջանակներում նախագահ Ռոհանին հրավիրել է նախագահ Պուտինին... որպեսզի Աստանայի ձեւաչափի շրջանակներում հաջորդ գագաթնաժողովը անցկացվի Իրանում»,- նշել է նա:

Միևնույն ժամանակ նա նաև ընդգծել է, որ Աստանայի ձեւաչափի հաջողությունը և ուշադրություն հրավիրել այն հանգամանքի վրա, որ մասնակիցները «պետք է հավատարիմ լինեն դրան ու շարունակեն համագործակցությունը դրա շրջանակներում»:

Իր խոսքում դեսպանը նաև անդրադարձել է Ռուսաստանի և Իրանի համագործակցության առանձնահատուկ դերը ահաբեկչության դեմ պայքարում: