ԱՄՆ-ն և Իսրայելը մտադիր են Ռուսաստանին Սիրիայի հարցով առաջարկ անել

ԱՄՆ-ը և Իսրայելը մտադիր են Երուսաղեմում կայանալիք եռակողմ հանդիպման ժամանակ Ռուսաստանին սիրիական հակամարտության կարգավորման հարցով առաջարկ անել: Այդ մասին, ըստ РИА Новости-ի, հայտնում է արաբական Asharq Al-Awsat-ը` իր արևմտյան դիվանագիտական աղբյուրներին հղումով:

Տեղեկության համաձայն` նրանք պատրաստ են ճանաչել Բաշար Ասադի իշխանությունը և  չեղարկել սիրիական իշխանությունների նկատմամբ սահմանված պատժամիջոցները, եթե ՌԴ-ն զսպի այդ երկրում Իրանի ազդեցությունը:

Նշենք, որ ՌԴ Անվտանգության խորհրդի քարտուղար Նիկոլայ Պատրուշևը, ԱՄՆ նախագահի ազգային անվտանգության հարցերով  օգնական Ջոն Բոլթոնը և Իսրայելի Ազգային անվտանգության խորհրդի նախագահ Մեիր Բեն Շաբաթը հունիսի վերջին մտադիր են հանդիպել Երուսաղեմում և քննարկել տարածաշրջանային անվտանգության հարցեր: