Իրանում կորոնավիրուսով վարակված 2 հիվանդներն էլ մահացել են

Իրանում կորոնավիրուսով վարակված երկու հիվանդ է մահացել. այս մասին իր թվիթերյան միկրոբլոգում հայտարարել է Իրանի առողջապահության նախարարության հասարակայնության հետ կապերի բաժնի ղեկավար Կիանուշ Զահանպուրը:

Նա, մասնավորապես, նշել է. «Դժբախտաբար, երկուսն էլ, հաշվի առնելով նրանց պատկառելի տարիքը, մահացել են» ու հավելել, որ երկու հիվանդների դեպքում էլ կորոնավիրուսի թեստերի նախնական արդյունքները դրական են եղել:

Հայտնի է նաև, որ նոր տեսակի վիրասով վարակված մարդիկ Իրանի Կում քաղաքի բնակիչներ են, որը մուսուլման շիաների համար:

Նշվում է՝ Իրանի բնակիչների մոտ հայնաբերված վարակը Կենտրոնական Ասիայում կորոնավիրուսից մահվան առաջին դեպքերն են: Հավելվում է նաև, որ երկու զոհերի մոտ էլ կորոնավիրուսի պատճառով լրջորեն վնասված էին թոքերը:

Հիվանդության տարածումը կանխելու նպատակով Թեհրանը որոշում էր կայացրել դադարեցնել օդային հաղորդակցությունը Չինաստանի հետ և կարանտինի տակ առնել Չինաստանից Իրան ժամանող անձանց:

Yerkir.am-ն ավելի վաղ տեղեկացրել էր, ըստ ԱՀԿ վերջին տվյալների, նոր տեսակի կորոնավիրուսից արդեն մահացել է ավելի քան 2100 մարդ, կա 75 հազար վարակակիր: Բուժվել է շուրջ 16.000 մարդ: