2.6 միլիոն դոլարի պարգևատրում Ֆինանսների նախարարությունում՝ Փաշինյանի օրոք

Yerkir.am-ը գրավոր հարցում էր ուղարկել ՀՀ ֆինանսների նախարար Ատոմ Ջանջուղազյանի անունով՝ խնդրելով տեղեկություններ այն մասին, թե որքա՞ն է կազմել հիմնարկի աշխատակիցներին վճարված պարգևավճարների չափը՝ 09.05.2018 թվականից մինչև 31.12.2019 թվականը, այն է՝ Փաշինյանի իշխանության օրոք:

Ստացված գրավոր պատասխանից (կցվում է) տեղեկանում ենք, որ ՀՀ ֆինանսների նախարարության աշխատակիցներին նշված ժամանակահատվածում պարգևատրման ֆոնդից վճարվել է 1.223.510.236 դրամ (այսօրվա փոխարժեքով՝ շուրջ 2 մլն. 562 հազ. դոլար):

Yerkir.am-ի մեկ այլ նամակին ի պատասխան՝ ՀՀ վարչապետի աշխատակազմը հայտնել է, որ 2018 թ. մայիս ամսվա դրությամբ Ֆինանսների նախարարությունում աշխատակիցների փաստացի թվաքանակը կազմել է 556 հաստիքային միավոր, իսկ անձնակազմի օպտիմալացման արդյունքում 2019 թ. տարեվերջին փաստացի աշխատողների թվաքանակը կազմել է 390: