Քննարկվել է «Մարտական գործողությունների մասնակցի» կարգավիճակի հարցը

Հայրենիքի պաշտպանությանը մասնակցած անձանց «Մարտական գործողությունների մասնակցի» կարգավիճակ տալու վերաբերյալ եզրակացություն կայացնող միջգերատեսչական հանձնաժողովը վերսկսել է գործունեությունը:

ՀՀ պաշտպանության նախարար Դավիթ Տոնոյանն այսօր նիստում ներկայացրել է հանձնաժողովի նոր կազմը: 

Դավիթ Տոնոյանը վստահություն է հայտնել, որ մանրամասն ու օբյեկտիվորեն քննության կառնվեն հանձնաժողովին ներկայացված բոլոր դիմումները:

Նիստում ներկայացվել է «Մարտական գործողությունների մասնակցի» կարգավիճակ ստացած անձանց (այդ թվում՝ հետմահու) վիճակագրությունը եւ սահմանված կարգին չհամապատասխանող դիմումների մերժման հիմքերը: