2019-ին քաղաքական որոշում է կայացվում մարդուն ազատել պաշտոնից, իսկ 1 տարի անց նա վերանշանակվում է․ Սարհատ Պետրոսյան

Այս որոշումը եւս մեկ անգամ լավագույնս բնորոշում է պետական կառավարման համակարգի խայտառակ վիճակը։ Այս մասին ֆեյսբուքյան իր էջում գրել է  Կադաստրի պետական կոմիտեի նախկին նախագահ Սարհատ Պետրոսյանը՝ անդրադառնալով վարչապետ Նիկոլ Փաշինյանի որոշմանը, որով Արման Պետրոսյանը նշանակվել է կադաստրի կոմիտեի ղեկավարի տեղակալ:

«Վարչապետի աշխատակազմի առաջարկով 2019-ին քաղաքական որոշում է կայացվում մարդուն ազատել կադաստրի կոմիտեի ղեկավարի տեղակալի պաշտոնից, իսկ ուղիղ մեկ տարի անց վերանշանակվում է նույն պաշտոնին։ Մնացած մանրամասներին կանդրադառնամ մի օր երեւի։ Հեղափոխությո՞ւն, չենք լսել նման բան»,- նշել է նա։