Հայկական «ժենգյալով հացը» New York Times-ի ուշադրության կենտրոնում

Ամերիկյան ամենահայտնի պարբերականներից մեկը՝ New York Times-ը, իր հոդվածում անդրադարձել է հայկական «ժենգյալով հաց»-ին՝ նշելով, որ այն «կատարյալ խորտիկ» է, հայտնում է Yerkir.am-ը:

Իր ծավալուն հոդվածում լրատվամիոցը ներկայացնում է ուտեստի պատրաստման եղանակը, բաղադրիչներն ու ներկայացնում խոհարար Ռուզաննա Սայադյանի պատմությունը: Հոդվածում մանրամասնորեն ներկայացվում է, թե ինչպես է նա պատրաստել հացն ու ինչպես է նա Լոս Անջելեսում ժենգյալով հացի արտադրություն սկսել:

Մասնավորապես, նշվում է. «Ռուզաննա Սայադյանը մանդարինի չափով խմորի գնդակ պատրաստեց և գլորեց այն՝ դարձնելով մեծ սկավառակ, որից հետո բարձրացրեց դրա եզրերը, որպեսզի խմորը պտտվի այդ սկավառակի երկայնքով: Տասներեք տարի առաջ նա  Հայաստանում հացաբուլկեղենի արտադրության մեջ սկսնակ էր, սովորում էր «ժենգյալով հաց» պատրաստել `ֆուտբոլի գնդակի չափի հասնող «տափակ հացեր»՝ լցոնված տասնյակ տեսակների խոտաբույսերով և կանաչ տերևներով: Այժմ նա Լոս Անջելեսում փորձագետ է ու դասավանդում է ուրիշներին»:

Հոդվածին առավել մանրամասն կարող եք ծանոթանալ այստեղ: