«Այս օրը պատմության մեջ». հունվարի 21

Yerkir.am-ը ներկայացնում է «Այս օրը պատմության մեջ» նախագիծը, որի շրջանակներում ամեն օր կներկայացնենք տվյալ օրվա իրադարձությունները:

Հունվարի 21

1506 թ. հունվարի 21-ին Հռոմի Պապ Հուլիոս II-ի նախաձեռնությամբ ստեղծվեց Վատիկանի զինված ուժերի գլխավոր մաս կազմող շվեյցարական գվարդիան:

1854 թ. այս օրն Ատլանտյան օվկիանոսում իռլանդական Լամբեյ կղզու մոտ վթարի ենթարկվեց անգլիական RMS Tayleur նավը, ինչի հետևանքով մահացավ 362 մարդ:

1878 թ. հունվարի 21-ին է ծնվել հայ նշանավոր բանաստեղծ Վահան Թեքեյանը:

1921 թ. այս օրը Հայաստանում վերացվեցին քաղաքացիական աստիճանները և դասերը, սահմանվեց մեկ ընդհանուր կոչում` ՀՀ քաղաքացի:

1967 թ. հունվարի 21-ին ծնվել է հայ շախմատիստ, գրոսմայստեր, Թուրինի 37-րդ համաշխարհային օլիմպիադայի հաղթող Արտաշես Մինասյանը:

1968 թ. այս օրն սկսվեց Կխեշանի պաշարման մարտերը, դրանք Վիետնամի պատերազմի ամենանշանավոր մարտերից էին:

1989 թ. հունվարի 21-ին է ծնվել հայ ճանաչված ֆուտբոլիստ Հենրիխ Մխիթարյանը: Նա Հայաստանի ֆուտբոլի ազգային հավաքականի առաջատարներից մեկն է: