«Այս օրը պատմության մեջ». հունվարի 16

Yerkir.am-ը ներկայացնում է «Այս օրը պատմության մեջ» նախագիծը, որի շրջանակներում ամեն օր կներկայացնենք տվյալ օրվա իրադարձությունները:

Հունվարի 16

Մ.թ.ա. 27 թ. հունվարի 16-ին Գայոս Օկտավիանոսը Հռոմեական սենատի կողմից ստացավ «Օգոստոս» կոչումը դառնալով Հին Հռոմի առաջին կայսրը:

1547 թ. այս օրը թագադրվեց ամենայն Ռոսիո առաջին ցար Իվան IV Ահեղը:

1820 թ. հունվարի 16-ին ռուս ծովագնաց Ֆադեյ Բելինսհաուզենը առաջին անգամ հասավ Անտարկտիդայի մոտ:

1910 թ. այս օրը ծնվել է հայ առակագիր, բանաստեղծ, դրամատուրգ, թարգմանիչ Արշավիր Դարբնին:

1989 թ. հունվարի 16-ին Մոնթե Մելքոնյանը Ֆրանսիայում ազատվեց բանտից, որտեղ նա հայտնվել էր իբր ահաբեկչություն կազմակերպելու մեղադրանքով:

2002 թ. այս օրը ՄԱԿ-ի Անվտանգության Խորհուրդը միաձայն քվեարկությամբ որոշեց պատժամիջոցներ կիրառել «Ալ-Քաիդայի» և «Թալիբանի» նկատմամբ:

2013 թ. հունվարի 16-ին սպանվեց ազգությամբ եզդի, ռուսաստանյան քրեական հեղինակություն, օրենքով գող, հայտնի «Դեդ Հասան» մականունով Ասլան Ուսոյանը: