Արքայազն Հարրին հեռացել է Մեծ Բրիտանիայից

Մեծ Բրիտանիայի թագուհի Եղիսաբեթ II-ի կրտսեր թոռ արքայազն Հարրին, երեկ երեկոյան լքել է Մեծ Բրիտանիան և ուղևորվել է Կանադա՝ կնոջ՝ Մեգան Մարքլի և որդու՝ Արչիի մոտ. ըստ Yerkir.am-ի՝ գրում է The Sun-ը:

Նշվում է, որ նա ուղևորվել է Կանադա՝ Լոնդոնում բրիտանա-աֆրիկյան ներդրումային գագաթնաժողովին մասնակցելուց հետո, որտեղ հանդիպել է վարչապետ Բորիս Ջոնսոնին։

Այնուամենայնիվ, նա չի մասնակցել Բուքինգեմյան պալատում երեկոյան ընդունելությանը։

Ավելի վաղ տեղեկացրել էինք, որ հունվարի 8-ին Հարրին ու Մեգան Մարքլը հայտարարել էին թագավորական ընտանիքի ավագ անդամների պարտականություններից հրաժարվելու և Բուքինգեմյան պալատից ֆինանսական անկախություն ստանալու պատրաստակամության մասին։