ՏԵՍԱՆՅՈՒԹ. Արքայազն Հարրին առաջին անգամ հայտարարություն է արել տիտղոսից զրկվելուց հետո

Մեծ Բրիտանիայի արքայազն Հարրին թագավորական ընտանիքի պարտականությունները վայր դնելուց հետո առաջին անգամ հանդես է եկել հայտարարությամբ ու պարզաբանել, որ այդ որոշումն իրեն հեշտ չի տրվել, սակայն այլ ելք չի եղել. ըստ Yerkir.am-ի՝  հաղորդում է BBC-ն:

«Երբ ես և Մեգանն ամուսնացանք, մենք այնքան ոգևորված էինք, լիահուսյ և այստեղ էինք՝ ծառայելու: Այդ պատճառով ինձ շատ է տխրեցնում այն, որ ամեն ինչ այսպես է ավարտվում: Իմ և կնոջս՝ պարտականությունների վայր դնելը հեշտ որոշում չէր: Դա տեղի է ունեցել ամիսների բանակցություններից և տարիների մարտահրավերներից հետո: Ես գիտեմ, որ միշտ չէ, որ ամեն ինչ ճիշտ եմ արել, բայց այս իրավիճակում այլ տարբերակ չկար», – ասել է արքայազն Հարրին:

Միևնույն ժամանակ նա հավելել է նաև, որ ինքն հույս ուներ ծառայել թագուհուն և երկրին՝ առանց հանրային ֆինանսավորման, սակայն դա անհնար է եղել:

Հիշեցնենք՝  արքայազն Հարրին և նրա կինը՝ նախկին դերասանուհի Մեգան Մարքլը զրկվել են իրենց արքայական տիտղոսներից: Նրանք ստիպված կլինեն վերադարձնել հարկատուների 3 մլն դոլարը, որն օգտագործվել է իրենց կալվածքը վերանորոգելու նպատակով: