Չելյաբինսկում «կանաչ ձյուն» է տեղացել. բնակիչներն անհանգստացած են

Ռուսաստանի Չելյաբինսկ քաղաքի բնակիչները Եկատերինբուրգի կողմից քաղաք մուտք գործելիս կանաչ ձյուն են նկատել. ըստ Yerkir.am-ի՝ հայտնում է ՌԻԱ «Նովոստի»-ն: 

Չելյաբինսկի մարզի բնապահպանության նախարարությունը պարզաբանում է տարածել դեպքի առնչությամբ՝ մանրամասնելով, որ դա տեղի ունեցել է մոտակայքում գտնվող գրանիտային քարհանքից առաջացած փոշու պատճառով:

Բնապահպանական կրթության վարչության պետ Վիտալի Բեզռուկովի պնդմամբ` փոշին որևէ վտանգ չի ներկայացնում տեղի բնակիչների առողջության համար:

«Սրանք բնական նյութերի մասնիկներ են»,- ասել է նա ու հավելել, որ օդի որակը ստուգելու նպատակով նախարարությունը շարժական լաբորատորիա է տեղադրելու, իսկ ընկերությունն այժմ ստուգման է սպասում: