Ախալքալաքի մի քանի գյուղ զրկվել է գազամատակարարումից

Ախալքալաքի մի քանի գյուղում գազի մատակարարումը դադարեցվել է Բարալեթի գյուղի մերձակայքում գտնվող գազատարի  վթարի պատճառով. ըստ Yerkir.am-ի՝ հայտնում է jnews.ge-ն:

Աղբյուրի հավաստմամբ, երեկ ՝ հունվարի 12-ին, Բարալեթի գյուղում «Օպել» մակնիշի ավտոմեքենան բախվել էր կենտրոնական գազատարի, ինչի հետևանքով մի քանի գյուղ մնացել է առանց գազամատակարարման:

Ըստ SJGC ընկերության գործադիր տնօրեն Ռազմիկ Գումաշյանի` Ախալքալաքի 7-8 գյուղեր (Բուգաշեն, Բալկո, Գոման և այլն) մնացել են առանց գազի: Ներկայում ինտենսիվ աշխատանքներ են իրականացվում վթարի հետևանքները վերացնելու ուղղությսմբ: Վերոնշյալ գյուղերում գազամատակարարումը կիրականացվի մեկ օրվա ընթացքում: