1915-ի ոգին ամենուր է. Թուրքիայում ձերբակալվել է հայտնի ասորի հոգևորականը

Հունվարի 9-ին ի շարս 11 ասորիների Թուրքիայում ձերբալվեց Նուսայբին ( հայկական Մծբինը) քաղաքում գտնվող ասորական հինավուրց Մոր Յակուբ վանական համալիրի հոգևորական Սեֆեր (Ահո) Բիլեչենը: Բիլեչենը մեղադրվում է «ահաբեկչական կառուցին աջակցելու և թաքցնելու մեջ»:

Ասորական ամենահայտնի եկեղեցում 7 տարվա մեջ առաջին անգամ չի մատուցվել կիրակնօրյա պատարագ:

Թուրք իրավապաշտպանները, ընդդիմադիր գործիչներն ու կազմակերպությունները քննադատել են վանականի ձերբակալությունը:

Հայտնի թուրք իրավապաշտպան, փաստաբան, Մարդու իրավունքերի պաշտպանության ասոցիացիայի փոխնախագահ Էրեն Քեսքինը իր թվիթերյան էջում գրում է. «Վանականը տարածաշրջանում շատ քիչ թվով մնացած ասորիներից մեկն է: Եվ մեկ ներկայացուցչություն կա: Վանականը ենթարկվում է կոշտ ճնշումների, սպառնալիքների: Որովհետև ցանկանում են (թուրքական պետությունը. խմբ), որ գնան: 1915 թ. ոգին ամենուր է»:

Նշենք, որ եկեղեցին թվագրվում է 4-րդ դարին: Այնտեղ է թաղված Հայ առաքելական եկեղեցու կողմից սրբադասված Հակոբ Մծբնացին, որի անունով էլ կոչվում է եկեղեցին: