ԱՀ ԱԱԾ այցելել է ՊԲ առաջնագիծ

Այսօր՝ դեկտեմբերի 27-ին, Արցախի Հանրապետության Ազգային անվտանգության ծառայության տնօրեն Սամվել Շահրամանյանի գլխավորությամբ՝ ծառայության մի շարք բարձրաստիճան սպաներ այցելել են առաջնագիծ՝ մարտական հերթապահություն իրականացնող սպաներին եւ զինվորներին շնորհավորելու Ամանորի և Սուրբ ծննդյան տոների կապակցությամբ: Դիրքեր այցելած ԱՀ ԱԱԾ սպաները հանդիպել են պետական սահմանի մարտական հենակետերում ծառայություն կրող զինվորների և հրամանատարների հետ, շրջայց կատարել մարտական հենակետերում և ծանոթացել ծառայության կրման, ինչպես նաև զինվորների կենցաղային պայմաններին և միաժամանակ տեղում հետաքրքրվել առկա օպերատիվ-մարտավարական իրադրությամբ: ԱՀ ԱԱԾ տնօրեն գնդապետ Սամվել Շահրամանյանը շնորհակալություն է հայտնել պետական սահմանի անձեռնմխելիությունն ապահովող բոլոր զինծառայողներին՝ հայրենանվեր ծառայության համար, մաղթելով խաղաղ եւ անփորձանք ծառայություն: