Սամվել Ուզունյանի ուղեբեռում հայտնաբերվել է փամփուշտ

Հոկտեմբերի 27-ի գործով դատավոր Սամվել Ուզունյանի ուղեբեռում հայտնաբերվել է փամփուշտ՝ Yerkir.am-ին հայտնեցին  ՀՀ ոստիկանության լրատվական ծառայությունից:

Փամփուշտն ուղարկվել է փորձաքննության, հանգամանքները պարզվում են:

Ավելի  վաղ հայտնել էինք, որ դեկտեմբերի 21-ին ժամը 01։45-ին Երևան-Մոսկվա թիվ 1869 չվերթով մեկնող ուղևորներից մեկի ուղեբեռում հայտնաբերվել է կասկածելի իր։

Ուղևորը եղել էր Երևանի 65-ամյա բնակիչ Սամվել Ուզունյանը, ով Հոկտեմբերի 27-ի ոճրագործության գործով դատավորն է։

Ավելի վաղ Yerkir.am-ը հայտնել էր, որ նա կասկածվում էր 51 հազար դոլար կաշառք ստանալու համար։ ԲԴԽ-ն բավարարել էր «Հոկտեմբեր 27»-ի գործը քննող դատավորի նկատմամբ քրեական հետապնդում հարուցելու և ազատությունից զրկելու միջնորդությունը: