ԿԳՄՍ նախարարին կից կձևավորվի աշակերտական խորհուրդ

ՀՀ ԿԳՄՍ նախարարին կից կձևավորվի աշակերտական խորհուրդ: Yerkir.am-ի տեղեկացմամբ՝ նախարարն այս մասին գրել է իր ֆեյսբուքյան էջում:

Նա, մասնավորապես, նշել է. 

«Իմ հրամանով ստեղծվել է աշխատանքային խումբ, որը կմշակի նախարարին կից աշակերտական խորհրդի ձևավորման կարգը:

Այս հարցը բարձրացրել էին հենց դպրոցականներն անցյալ տարի Երեխաների համաշխարհային օրվա շրջանակում ինձ հետ հանդիպման ժամանակ: Խորհրդի ստեղծման շնորհիվ կապահովենք հանրակրթության ոլորտում ընթացող բարեփոխումներում աշակերտների մասնակցային ներգրավումը և դպրոցականների հետ դեմ առ դեմ ձևաչափով դպրոցներում առկա խնդիրների պարբերաբար քննարկումները:

Երեխաների համաշխարհայի օրվա շրջանակում այսօր ևս հանդիպում ունեցա դպրոցականների հետ։ Քննարկման մանրամասների մասին կպատմեմ քիչ ուշ։ Շնորհակալություն ՄԱԿ-ի մանկական հիմնադրամին նախաձեռնության համար»: