ՏԵՍԱՆՅՈՒԹ. Նոյեմբերի 12-ն Ավետ Ավետիսյանի ծննդյան օրն է

Այսօր հայ խորհրդային դերասան, ՀԽՍՀ ժողովրդական արտիստ, ԽՍՀՄ ժողովրդական արտիստ Ավետ Ավետիսյանի ծննդյան օրն է: Անվանի դերասանն այսօր կդառնար 122 տարեկան: 

Ավետ Ավետիսյանը (իրական ազգանունը՝ Ոսկանյան) ծնվել է 1897 թվականի նոյեմբերի 12-ին Թբիլիսիում:  

Բեմական մկրտությունը եղել է Ոսկանի (Ա. Շիրվազադեի «Չար ոգի», 1918 թվական) դերակատարումը։

Մինչ 1922 թվականը Ավետիսյանը խաղացել է տարբեր թատրոններում, որից հետո տեղափոխվել է Երևան ու մի քանի շրջիկ թատրոններում խաղալուց հետո ընդունվել Գաբրիել Սունդուկյանի անվան թատրոն և մինչև կյանքի վերջը ստեղծագործել այնտեղ։ 

Ավետիսյանը նկարահանվել է հայկական 28 կինոնկարում, այդ թվում՝ «Նամուս» (Հայրապետի կերպարում),«Պեպո» (Զիմզիմովի կերպարում), «Գիքոր» (Բազեզ արտեմի կերպարում), «Պատվի համար» (Սաղաթելի կերպարում):