ԱՄՆ-ը վերսկսել է Սիրիայում նավթի հանքավայրերի պարեկումը

Ամերիկյան բանակի զինծառայողները Սիրիայի հյուսիս-արեւելքում վերսկսել են նավթի հանքավայրերի պարեկումը. ըստ Yerkir.am-ի՝ հայտնում է ՌԻԱ «Նովոստի»-ն:

«ԱՄՆ բանակի զինվորականները հինգ զրահապատ մեքենաներով եւ երկու պիկապով կատարել են 40 կիլոմետրանոց գոտու պարեկում Ռումեյլանի եւ Քահթանիայի շրջանների միջեւ՝ սիրիա-թուրքական սահմանից 6 կիլոմետր հեռու»,- նշված Է գործակալության հաղորդագրության մեջ:

Ավելի վաղ Պենտագոնի ղեկավար Մարկ Էսփերը հայտարարություն էր տարածել, որի համաձայն՝ ԱՄՆ-ը Սիրիայում կպաշտպանի նավթի հանքավայրերը, ինչպես նաև ուժով կպատասխանի դրանց զավթման փորձերին: Նրա պնդմամբ՝ ամերիկացի զինվորները մտադրություն չունեն այնտեղ թողնել ո՛չ ռուսաստանցի, ո՛չ Էլ սիրիացի զինվորականներին:

ՌԴ արտաքին գործերի նախարար Սերգեյ Լավրովը հայտարարել է, որ Սիրիայում նավթի հանքավայրերի շահագործման՝ ԱՄՆ-ի մտադրությունն ապօրինի Է, եւ Մոսկվան կպաշտպանի այդ դիրքորոշումը Վաշինգտոնի հետ շփումների ընթացքում: