կարևոր
3901 դիտում, 1 տարի առաջ - 2022-12-13 21:17
Աշխարհ

Կաշենի և Դրմբոնի հանքավայրերի «անօրինական շահագործումը» պետք է դադարեցվի. Հաջիև

Կաշենի և Դրմբոնի հանքավայրերի «անօրինական շահագործումը» պետք է դադարեցվի. Հաջիև

Ադրբեջանի նախագահի՝ անվտանգության հարցերով օգնական Հիքմեթ Հաջիևը հանդիպել է Բաքվում հավատարմագրված դիվանագիտական կորպուսի ներկայացուցիչների հետ: Հանդիպման ընթացքում նա ասել է, որ Կաշենի և Դրմբոնի հանքավայրերի «անօրինական շահագործումը» պետք է դադարեցվի:

«Հայաստանը ադրբեջանական տարածքների օկուպացիայի տարիներին անօրինական օգտագործել է մեր ռեսուրսները և հարված է հասցրել շրջակա միջավայրին: Այժմ մենք ականատես ենք լինում նմանատիպ գործողությունների ռուս խաղաղապահների վերահսկողության տակ գտնվող տարածքներում»,- ասել է Հաջիևը:

Նրա խոսքով՝ իրենց ունեցած տեղեկություններով նկատվել է «անօրինական շահագործման ակտիվացում», մասնավորապես Դրմբոնի ոսկու հանքավայրում: