ՏԵՍԱՆՅՈՒԹ. Լոնդոնից՝ Արցախ. ներգաղթի և ներդրումների ի՞նչ հնարավորություններ կան

Մեծ Բրիտանիայի հայկական համայնքում Հայաստան ներգաղթի, Արցախում ներդրումներ անելու մտադրություններ կան. Yerkir.am-ի հետ հարցազրույցում ասաց ՀՅԴ Լոնդոնի Հայ Դատի հանձնախմբի պատասխանատու Անետ Մոսկոֆյանը: Նա Արցախում է՝ ՀՅԴ և Արցախի ԱԳՆ կազմակերպած՝ «Համագործակցություն հանուն արդարության և խաղաղության» համաժողովին մասնակցելու համար:

«Նախկին իշխանության ընթացքին կաշառակերության ահազանգը տարածված էր, զգուշությամբ էին մոտենում  ներդրումներ կատարելուն, բայց հույս ունենք, որ ներկա փոփոխությունները՝ թե՛ հարկային, թե՛ կոռուպցիայի դեմ պայքարի առումով, կկարողանան ներգրավել  ներգաղթ և ներդրումներ»,- ասաց նա:

Ըստ Մոսկոֆյանի՝ Մեծ Բրիտանիան շատ թուրքամետ է, առ այսօր չեն ճանաչել Հայոց ցեղասպանությունը, բայց կան խորհրդարանի մի քանի պատգամավորներ, որոնք աջակից են Հայ Դատին:

ՀՅԴ Հայ Դատի հանձնախմբերի գործունեության արդյունքում տարբեր երկրներից պատվիրակներ են եկել և մասնակցում են համաժողովին՝ ընդգծեց Անետ Մոսկոֆյանը, բայց տարբեր գաղթօջախների հետ աշխատանքը պետք է լինի պետական մակարդակով:

Առավել մանրամասն՝ տեսանյութում: