«Իսլամական պետություն»-ը Թուրքիային սպառնացող տեսանյութ է հրապարակել

«Իսլամական պետության»` «Թուրքիայի վիլայեթ» անունը կրող ահաբեկչական միավորումը առաջին անգամ Թուրքիային սպառնացող տեսանյութ է հրապարակել, որում 5 ահաբեկիչներից մեկը, որը խոսում է թուրքերեն, սպառնում է Թուրքիային և ԱՄՆ-ին:

Տեղեկությունը տեղ է գտել ամերիկյան SITE (Search for International Terrorist Entities – Միջազգային ահաբեկչական խմբավորումների որոնողական ինստիտուտ) հակահետախուզական ինստիտուտի կայքում, իսկ տարածվել էլ Telegram-ի միջոցով:

Ահաբեկիչը, որը ներկայացել է որպես Աբու Քաթադա ալ Թուրքի, տեսանյութում սպառնում է նաև Թուրքիայի նախագահ Ռեջեփ Թայիփ Էրդողանին:

SITE Հակահետախուզական ինստիտուտի տնօրեն Ռիտա Կաթսը հայտարարել է, որ դա կազմակերպության անհույս ցուցադրական ժեստ է, և նմանատիպ տեսանյութեր վերջերս հրապարակվել են նաև կովկասյան տարածքներում և Ադրբեջանում. հաղորդում է «Ամերիկայի ձայնի» թուրքական ծառայությունը: