Հայկական կոխ ըմբշամարտի ՀՀ մեծահասակների առաջնությունում արցախցի մարզիկները զբաղեցրել են մրցանակային տեղեր

«Մեր մարզիկների համար շատ կարևոր է մշտապես լավ մարզավիճակում գտնվելը: Նման առաջնությունները նրանց տալիս են փորձ ու կայուն մարզավիճակ: Արդյունքները բավականին գոհացուցիչ էին: Արցախից առաջնությանը մասնակցած 13 մարզիկներից 55 կգ քաշային կարգում Կարեն Սարգսյանը, 82 կգ-ում՝ Վահագն Չալյանը, 90 կգ-ում՝ Դավիթ Գրիգորյանը և 100 կգ-ում՝ Նարեկ Համբարձումյանը գրավել են 1-ին մրցանակային տեղեր: Ջոն Բալայանը 60 կգ քաշային կարգում գրավել է 2-րդ, իսկ 74 կգ-ում՝ Սերգեյ Կարապետյանը 3-րդ մրցանակային տեղ: Առաջնային տեղեր գրաված մարզիկներն արժանացել են մեդալների, պատվոգրերի և թանկարժեք նվերների»,-մասնավորապես ասել է Է.Միրզոյանը: