Փայլանը կոչ է արել կիրակի օրը քվեարկել ընդդիմադիր թեկնածուի օգտին

Թուրքիայի քրդամետ Ժողովուրդների դեմոկրատական կուսակցության հայազգի պատգամավոր Կարո Փայլանը թվիթերյան էջում կոչ է արել քվեն տալ գլխավոր ընդդիմադիր Հանրապետական-ժողովրդական կուսակցության կողմից Ստամբուլի քաղաքապետի թեկնածու առաջադրված Էքրեմ Իմամօղլուին:

«Ստամբուլի ընտրություններում ԺԴԿ-ի ընտրական ռազմավարության և մարտավարության փոփոխության մասին խոսք չկա: Կիրակի օրը քվես` Էքրեմ Իմամօղլուին: Եկեք քվեների տարբերությունը հասցնենք ամենաքիչը 1 միլիոնի»,- գրել է նա:

Նշենք, որ Ստամբուլի  քաղաքապետի ընտրությունը նշանակված է կիրակի` հունիսի 23-ին: Քուրդիստանի աշխատավորական կուսակցության առաջնորդ Աբդուլլահ Օջալանն այսօր կոչ էր արել քրդերին` չեզոք մնալ այդ ընտրություններում, սակայն քրդամետ ԺԴԿ-ի ղեկավարությունը  հայտարարել է այդ ընտրություններում ընդդիմադիր ՀԺԿ-ին սատարելու մասին: