Լիբիայում Թուրքիային պատկանող անօդաչու է խփվել

Լիբիայի արևելքը վերահսկող) Լիբիայի ազգային բանակի հրամանատար, մարշալ Խալիֆա Հաֆթարի` մայրաքաղաք Տրիպոլին գրավելու փորձերի ընթացքում խփվել է Ազգային համաձայնության կառավարությանը պատկանող անօդաչու, որը, որպես աջակցություն, ուղարկվել էր Ֆայեզ Սարաջի ղեկավարած ուժերին Թուրքիայից:

Անօդաչուն խփվել է Տրիպոլիում գտնվող Միտիգա օդանավակայանում: Որոշ պաշտոնյաներ պնդում են, որ դա տեղի է ունեցել օդանավակայանի սահմաններից դուրս, սակայն ոչ մի հայտարարություն այդ թեմայով չի արվել. հաղորդում  է gazeteduvar.com.tr կայքը:

Նշենք, որ 42 տարի Լիբիան ղեկավարող Մուամար Քադաֆիի իշխանության տապալումից հետո երկիրը երկու մասի է բաժանվել: Երկրի արևելքում իշխող մարշալ Հաթարն ունի ԱՄԷ-ի, Եգիպտոսի, Սաուդյան Արաբիայի աջացությունը (նաև` Ռուսաստանի):