Ֆրանսիան Թուրքիային մեղադրել է Լիբիայում ագրեսիվ միջամտության մեջ

Ֆրանսիան Թուրքիային մեղադրել է Լիբիայում ագրեսիվ միջամտության եւ զենքի մատակարարման էմբարգոյի խախտման մեջ:

Ֆրանսիացի բարձրաստիճան պաշտոնյան հայտարարել է, որ Ֆրանսիային մտահոգում է Թուրքիայի ագրեսիվ եւ համառ միջամտությունը, 7 թուրքական նավերի տեղակայումը լիբիական ափերի մոտ եւ զենքի մատակարարման էմբարգոյի խախտումը, գրում է  Asharq Al-Awsat-ը:

Նրա խոսքով՝ Ֆրանսիան չի քաշվի մի կողմ, եթե թուրքերը շարունակեն անընդունելի պահվածքն ու ՆԱՏՕ-ի շահագործումը:

Նա նաեւ նշել է, որ նախագահ Էմանուել Մակրոնը այս շաբաթ այդ հարցով բանակցություններ է վարել ԱՄՆ նախագահ Դոնալդ Թրամփի հետ եւ մոտ ժամանակներս կարծիքներ կփոխանակի ՆԱՏՕ-ի գործընկերների հետ:

Անցած շաբաթ թուրքական ռազմանավը ԵՄ նոր ռազմածովային առաքելությանը թույլ չի տվել ստուգել Լիբիայի ափերի մոտ տեղակայված բեռնանավը: