|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Ֆրանսիայի նախագահ Էմանուել Մակրոնը վերահաստատել է օտարերկրյա ուժերը Լիբիայից դուրս բերելու անհրաժեշտությունը՝ այդ կապակցությամբ նշելով նաև Ռուսաստանին և Թուրքիային:
«Լիբիայի խնդրանքով անհրաժեշտ է վերջ տալ արտաքին միջամտությանը: Դա պետք է արտահայտվի Լիբիայի տարածքից բոլոր ուժերի և օտարերկրյա վարձկանների՝ ռուսների, թուրքերի, նրանց սիրիացի վարձկանների և այլոց դուրս բերման միջոցով»,- ասել է Ֆրանսիայի նախագահը Լիբիայի վարչապետ Աբդել Համիդ Դբեյբայի հետ հանդիպմանը հաջորդած մամուլի ասուլիսում:
Ըստ նրա՝ արտաքին ուժերի դուրսբերումը պետք է տեղի ունենա «ամբողջ երկրում քաղաքացիներին պաշտպանելու ունակ միավորված բանակի» ստեղծմանը, ինչպես նաև զինված խմբերի աստիճանական զինաթափմանը զուգահեռ: Մակրոնը նշել է, որ Ֆրանսիան պատրաստ է ամեն կերպ աջակցել Լիբիային անվտանգության ոլորտում, քանի որ իրավիճակն այս երկրում ազդում է Սահելի ողջ տարածաշրջանի վրա: Ֆրանսիայի ղեկավարը նշել է, որ Միջերկրական ծովում ապօրինի միգրացիայի դեմ պայքարի հաջողությունը մեծապես կախված է հարևան երկրների կողմից Լիբիայի ինքնիշխանության աջակցությունից: