Մոսկվան գնահատում է Թեհրանի հավատարմությունը միջուկային գործարքին. Լավրով

Մոսկվան գնահատում է Թեհրանի հավատարմությունը միջուկային գործարքին: Այդ մասին հայտարարել է ՌԴ ԱԳՆ ղեկավար Սերգեյ Լավրովը Իրանի ԱԳ նախարար Մոհամադ Ջավադ Զարիֆի հետ հանդիպման ժամանակ. հայտնում է РИА Новости-ն:

«Մենք գնահատում ենք Իրանի Իսլամական Հանրապետության հավատարմությունը ձեռք բերված պայմանավորվածություններին և ՄԱԿ-ի Անվտանգության խորհրդի բանաձևերին, ինչպես դա կրկին հաստատվեց այսօր` Թեհրանի համապատասխան հայտարարությամբ»,- ասել է Լավրովը Մոսկվայում կայացած հանդիպման ժամանակ:

Նա նշել է, որ ակնկալում է Զարիֆի հետ հանդիպման ընթացքում ստանալ Իրանի հստակեցումները` կապված գործարքի վերաբերյալ հետագա քայլերի հետ:

ՌԴ ԱԳ նախարարը նաև ԱՄՆ-ին է մեղադրել միջուկային գործարքի շուրջ ստեղծված իրավիճակի համար:

Ավելի վաղ հայտնել ենք, որ  Թեհրանը հայտարարել էր, որ դադարեցնում է միջուկային գործարքի շրջանակում որոշ պարտավորությունների կատարումը: