Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Բեռլինն աջակցում է Իրանի հետ Միջուկային համապարփակ համաձայնագրին եւ խաղաղասիրական նպատակներով Իրանի միջուկային ծրագրին: Այս մասին, ըստ ԻՌՆԱ-ի, Իրանի ԱԳ նախարարի քաղաքական հարցերով տեղակալ Աբբաս Արաղչիի հետ հանդիպման ժամանակ հայտարարել է Գերմանիայի ԱԳՆ տարածաշրջանային հարցերով գլխավոր տնօրեն Ֆիլիպ Աքերմանը:
Աքերմանը, որը քաղաքական խորհրդակցություններ անցկացնելու նպատակով Թեհրան է այցելել, Աբբաս Արաղչիի հետ հանդիպման ժամանակ Միջուկային գործարքի կայացումը համարել է դիվանագիտության հաղթանակ եւ քննադատել գործարքից ԱՄՆ-ի միակողմանի դուրս գալը:
Նա անդրադարձել է նաեւ ԵՄ-ի՝ Իրանի հետ առեւտրի ֆինանսավորման հատուկ մեխանիզմին՝ նշելով, որ դրա ձեւավորումից հետո ավելացել է Իրանի հետ համագործակցել ցանկացող գերմանական եւ եվրոպական ընկերությունների թիվը: Գերմանացի ավագ դիվանագետն ընդգծել է, որ մեխանիզմի գործարկումը պաշտոնական Բեռլինի օրակարգային առաջնահերթություններից է: