Շրի Լանկայում իսլամական ծայրահեղականները նոր հարձակումներ են ծրագրում Կոլոմբոյի կամուրջների վրա

Շրի Լանկայում իսլամական ծայրահեղականները, ենթադրվում է, նոր հարձակումներ են ծրագրում Կոլոմբոյի կամուրջների վրա: Այս մասին տեղեկացնում է Daily Mirror-ը՝ վկայակոչելով կղզու իշխանությունների խոսքերը:

Տեղի ոստիկանությունից հաստատել են, որ իրավապահ մարմիններին հրահանգել են լրացուցիչ թվով սպաներ առանձնացնել, միևնույն ժամանակ`ռազմածովային նավատորմին խնդրելով գետերի վրա ավելի մեծ թվով նավեր տեղակայել, ըստ ոստիկանական զեկույցների արտահոսքի, որոնք նախազգուշացնում էին կամուրջների վրա պատրաստվող հարձակումների մասին:

Բացի այդ, այս գործողության համար կենտրոնացվել է նաև Շրի Լանկայի ԶՈՒ-ն, որը խուզարկություններ է կատարում` պայթուցիկ նյութեր ու զենք առգրավելով:

Նշվում է նաև, որ այս պահին շարունակվում են ահաբեկիչների, նրանց թաքստոցների, զենքի և ռազմամթերքի որոնումները:

Կաթոլիկ եկեղեցին հայտարարել է կիրակնօրյա ժամերգությունների չեղարկման մասին, իսկ նույն հավատքի ենթակայության տակ գտնվող դպրոցներն անորոշ ժամանակով փակ կլինեն:

Հաղորդվում է նաև, որ հանրային դպրոցները կգործեն արդեն երկուշաբթի օրվանից տարածքի խիստ հսկողության և պահպանության պայմաններում: