Բողոքի ակցիա`կենդանաբանական այգում. պահանջում են տնօրենի հրաժարականը

Այսօր`մայիսի 1-ին, Երևանի կենդանաբանական այգու նախկին աշխատակիցները բողոքի ակցիա են իրականացնում այգու մոտ`պահանջելով տնօրեն Ռուբեն Խաչատրյանի հրաժարականը: 

Մասնակիցների կարծիքով` ճիշտ կլինի ստեղծել կառավարման խորհուրդ, անցկացնել տնօրենի ընտրություններ` հնարավորություն տալով մասնագետներին ու կենդանասերներին ներկայացնելու իրենց տեսլականը։

«Պետք է ստեղծել հանձնաժողով, որում ներկայացուցիչներ կլինեն նաև քաղաքապետարանից, ինչպես նաև` մասնագետներ, որոնք կքննարկեն այգու զարգացմանն ուղղված հարցերը: Մենք այս առաջարկությունները ներկայացրել ենք նաև քաղաքապետարանում»,-մանրամասնում են նրանք:

Հավելենք նաև, որ, ըստ տնօրենի, այս ամենը պարզապես զրպարտություն է: