Շոտլանդիայի կառավարությունը Մեծ Բրիտանիայի կազմից դուրս գալու մասին օրինագիծ կներկայացնի

Միացյալ Թագավորության մաս կազմող Շոտլանդիայի կառավարությունը մինչև 2021 թվականը Մեծ Բրիտանիայից անկախանալու հարցով հանրաքվեի անցկացման մասին օրինագիծ կներկայացնի: Այս մասին տեղեկացնում է The Guardian-ը:

Էդինբուրգում խորհրդարանի պատգամավորների առջև ելույթում Շոտլանդիայի կառավարության առաջին նախարար Նիկոլա Ստերջենը մանրամասնել է, որ Մեծ Բրիտանիայի`Եվրամիության կազմից դուրս գալու` Brexit-ի գործընթացի դեպքում ապագա Շոտլանդիայի՝ որպես անկախ եվրոպական երկրի ընտրությունը պետք է կայացվի մինչև 2021 թվականի  մայիս ամսին կայանալիք շրջանային խորհրդարանի ընտրությունների ավարտը:

Շոտլանդիայի անկախության մասին նոր հանրաքվե անցկացնելու համար անհրաժեշտ է ստանալ բրիտնական կառավարության հավանությունը, որտեղ այն կարծիքին են, որ ներկայումս նման հանրաքվեի անցկացումը նպատակահարմար չէ:

Հավելենք, որ դեռևս 2014 թվականին անցկացված առաջին հանրաքվեի ժամանակ շոտլանդացիների կեսից ավելին`55%-ը, դեմ էր քվեարկել Մեծ Բրիտանիայից Շոտլանդիայի անկախացմանը: