Դիարբեքիրում հաղթած ընդդիմադիր թեկնածուի մանդատը տրվել է իշխանության պարտված թեկնածուին

Դիարբեքիրի Բաղլար շրջանում հաղթած` քրդամետ Ժողովուրդների դեմոկրատական կուսակցության թեկնածու Զեյյաթ Ջեյլանի մանդատը տրվել է իշխող «Արդարություն և զարգացում» կուսակցության թեկնածու Հուսեյն Բեյօղլուին. հաղորդում է gazeteduvar.com.tr կայքը:

ԱԶԿ թեկնածու Բեյօղլուն բողոքարկել էր` նշելով, որ Ջայլանը չի կարող ստանալ մանդատ, քանի որ աշխատել է որպես ուսուցիչ, ինչը դեմ է համապատասխան կանոններին: «Քանի որ 2019 թ. մարտի 31-ի` Բաղլար թաղամասի ընտրություններում առաջադրված ԺԴԿ թեկնածու Ջեյլանը չի համապատասխանում ընտրության պահանջներին, այդ իսկ պատճառով նրան չպետք է մանդատ տրվի, և մանդատը պետք է փոխանցվի երկրորդ` ամենաշատ ձայնը հավաքած թեկնածուին»,- նշվում էր բողոքարկման մեջ:

Բարձրագույն ընտրական հանձնաժողովը բավարարել է այս պահանջը: ԺԴԿ-ն բողոքարկել է այս որոշումը, և  ԲԸՀ -ն մոտ օրերս գնահատական կտա բողոքարկմանը:

Նշենք, որ քրդամետ կուսակցության թեկնածուն հաղթել է` ստանալով ձայների 70 տոկոսը: