Պետդումայում կոչ են արել օգտագործել բոլոր հնարավորություններն Ասանժին պաշտպանելու համար

Արդեն տեղեկացրել ենք, որ բրիտանական ոստիկանությունը հայտնել է WikiLeaks  կազմակերպության հիմնադիր Ջուլիան Ասանժի ձերբակալության մասին: «47-ամյա Ասանժը այսօր` ապրիլի 11-ին, ձերբակալվել է Լոնդոնի մայրաքաղաքային ոստիկանության կողմից Էկվադորի դեսպանատանը` թույլտվության համաձայն, որը տվել է Վեստմինստերի  դատարանը 2012-ի հունիսի 29-ին»,- հայտնել է ոստիկանությունը: Էկվադորի իշխանությունները որոշել են այլևս ապաստան չտալ Ասանժին:

РИА Новости-ն հայտնում է, որ  ՌԴ Պետդումայի միջազգային գործերով հանձնաժողովի նախագահի տեղակալ Ալեքսեյ Չեպան հայտարարել է, որ բոլոր երկրները և կազմակերպությունները, որոնք հանդես են գալիս ժողովրդավարության օգտին, պետք է մասնակցեն Ասանժի ճակատագրին` հարկավոր է  օգտագործել բոլոր հնարավորությունները նրան պաշտպանելու համար:

Հիշեցնենք, որ  WikiLeaks-ի հիմնադիրը Շվեդիայի իշխանությունների կողմից մեղադրվում է բռնաբարության եւ սեռական ոտնձգությունների մեջ: