Մոսկվայում Տոկաևին Փաշինյանից վատ են ընդունել. Ղազախստանում դժգոհ են

Ղազախստանում սոցցանցերի օգտատերերը ակտիվորեն քննարկում են երկրի նախագահ Քասըմ Ժոմարտ Տոկաևի առաջին այցը Մոսկվա:

«Ազատություն» ռադիոկայանի  ղազախական ծառայությունը հայտնում է, որ օգատատերերին բարկացրել է այն, որ Տոկաևին օդանակավակայանում դիմավորել են ՌԴ ԱԳՆ ղեկավարի տեղակալ Ալեքսանդր Պանկինը և նախարարության արձանագրության դեպարտամենտի ղեկավար Իգոր Բոգդաշովը:

«Մմմ, շնորհակալ ենք, որ գոնե տաքսիով չի հասել հյուրանոց»,- գրում է օգտատերերից մեկը:

Նմանատիպ կարծիքի են նաև որոշ անգլալեզու փորձագետներ: «Տոկաևն արժանացել է անսովոր ցածր ընդունելության Մոսկվա կատարած իր առաջին այցի ընթացքում: Անգամ Հայաստանի ընդդիմության նախկին առաջնորդ Փաշինյանն ավելի բարձր ընդունելության է արժանացել իր այցի ընթացքում»,- իր թվիթերյան էջում գրել է փորձագետ Փոլ Սթրոնսկին: