Առանց գործարքի ԵՄ-ից Մեծ Բրիտանիայի դուրս գալու տարբերակն այլևս չի քննարկվելու

Մեծ Բրիտանիայի խորհրդարանի Համայնքների պալատի անդամները պաշտպանել են այն օրինագիծը, համաձայն որի` բացառվում է ԵՄ-ից, առանց Բրյուսելի հետ գործարքի, Մեծ Բրիտանիայի դուրս գալու հնարավորությունը: Այս մասին տեղեկացնում է BBC-ն:

Օրինագծի հեղինակն է Լեյբորիստական կուսակցության անդամ Իվետա Քուփերը: Օրինագիծը երրորդ ընթերցմամբ ընդունվել է մեկ ձայնի գերակշռությամբ` 313 պատգամավոր կողմ է քվեարկել, 312-ը՝ դեմ:

Ստացվում է`  առանց գործարքի ԵՄ-ից Մեծ Բրիտանիայի դուրս գալու տարբերակն այլևս չի քննարկվելու:

Ինչ վերաբերում է Լոնդոնին, ապա այս դեպքում հարկ կլինի ԵՄ-ի հետ համաձայնության հասնել Brexit-ի գործընթացի երկարացման շուրջ այն դեպքում, եթե գործարքը մինչև ապրիլի 12-ը հավանության չարժանանա Բրիտանիայի խորհրդարանում: