Օրինագիծ ՌԴ-ի դեմ կոշտ պատժամիջոցների մասին. Reuters

ԱՄՆ սենատորները ( հանրապետական և դեմոկրատական կուսակցություններից) ապրիլի 3-ին Կոնգրեսին օրինագիծ կներկայացնեն, որն ուղղված է Ռուսաստանին զսպելուն, որ չմիջամտի ամերիկյան ընտրություններին: Այդ մասին, ըստ Ведомости-ի, հայտնում է Reuters-ը:

Deter Act անունը կրող օրինագիծը ենթադրում է կոշտ պատժամիջոցների սահմանում ռուսական  բանկային, էներգետիկ և պաշտպանական ոլորտի, ինչպես նաև պետական պարտքի նկատմամբ:

Օրինագծի տեքստի համաձայն, որի հետ ծանոթացել է գործակալությունը, ԱՄՆ ազգային հետախուզության տնօրենը  երկրում ընտրություններ անցկացնելուց հետո 30 օրվա ընթացքում պետք է պարզի` միջամտե՞լ է դրանց Ռուսաստանը կամ որևէ այլ երկիր: Եթե ապացույցներ գտնվեն, ապա, օրինագծին համապատասխան, ռուսական բանկերի և էներգետիկ ընկերությունների նկատմամբ պատժամիջոցներ կսահմանվեն: Դրանց թվում կարող են լինել` «Սբերբանկ»-ը, ՎՏԲ-ն, «Գազպրոմբանկ»-ը և այլն: