Եվրոպան Ռուսաստանի դեմ պատժամիջոցների կոշտ փաթեթ է սահմանել

Եվրամիությունը պատժամիջոցներ կկիրառի Ռուսաստանի տնտեսության ռազմավարական հատվածների դեմ և կարգելափակի ռուսական բանկերի մուտքը եվրոպական ֆինանսական շուկաներ։ Այս մասին հայտարարել է Եվրահանձնաժողովի նախագահ Ուրսուլա ֆոն դեր Լայենը։

«Այսօր մենք եվրոպացի առաջնորդների հաստատմանը կներկայացնենք զանգվածային պատժամիջոցների փաթեթ, որն ուղղված է Ռուսաստանի տնտեսության ռազմավարական հատվածներին, և կարգելափակվի մուտքը հիմնական տեխնոլոգիաների և շուկաների։ Մենք կսառեցնենք ռուսական ակտիվները Եվրամիությունում եւ կփակենք ռուսական բանկերի մուտքը եվրոպական ֆինանսական շուկաներ»,- ասել է Եվրահանձնաժողովի ղեկավարը։

Ֆոն դեր Լայենը նաև մեղադրել է Ռուսաստանին Ուկրաինա ներխուժելու մեջ և դատապարտել այդ գործողությունները։ «Մենք դատապարտում ենք այս բարբարոսական հարձակումը և այն արդարացնելու համար օգտագործված ցինիկ պատճառաբանությունը»,- ավելացրել է նա: