ՀՀ ղեկավար կազմը Եռաբլուրում հարգանքի տուրք է մատուցել Ապրիլյան պատերազմի զոհերի հիշատակին

Այսօր լրանում է Ադրբեջանի կողմից սանձազերծված ապրիլյան քառօրյա պատերազմի 3-րդ տարելիցը, ինչի առիթով «Եռաբլուր» զինվորական պանթեոն է այցելել ՀՀ ղեկավար կազմը՝ վարչապետ Նիկոլ Փաշինյանի գլխավորությամբ: 

Հիշեցնենք, որ 2016-ի ապրիլի 1-ի լույս 2-ի գիշերը ադրբեջանական կողմը Արցախի Հանրապետության նկատմամբ սկսեց լայնածավալ հարձակողական գործողություններ՝ կիրառելով  իր զինանոցում եղած ռազմական տեխնիկայի գրեթե բոլոր հնարավոր տեսակները:

Առավել թեժ մարտեր են ընթացել արցախա-ադրբեջանական շփման գծի հարավային (Հադրութ) և հյուսիսարևելյան (Մարտակերտ) ուղղություններում։

Մարտական գործողությունների հետևանքով հայկական կողմից զոհվել է ավելի քան 100 մասնակից:

Հավելենք, որ  ադրբեջանցիների կողմից խաղաղ բնակավայրերի հրթիռակոծության հետևանքով Արցախի Մարտունու շրջանի Զորավան գյուղում զոհվել է 12-ամյա Վաղինակ Թաթուլի Գրիգորյանը, ևս երկու երեխա վիրավորվել են: