Ղարաբաղում հնարավոր է պատերազմ սկսվի. ԱՄՆ-ում Ադրբեջանի դեսպան

ԱՄՆ-ում Ադրբեջանի դեսպան Էլին Սուլեյմանովը Fox News-ին տված հարցազրույցում անդրադարձել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև Վիեննայում այսօր կայացած հանդիպմանը. տեղեկացնում է haqqin.az կայքը:

«Չկարգավորված Ղարաբաղյան հակամարտությունը շարունակում է ռազմավարական առումով վտանգավոր լինել ամբողջ տարածաշրջանի համար: Ստատուս քվոն երբեք էլ կայուն չի եղել: Մենք չունենք խաղաղապահներ: Զինվորները կանգնած են իրար դեմ, երբեմն նաև 100 ոտնաչափ հեռավորության վրա: Դուք երբեք չեք կարող կանխատեսել, թե  դրությունը երբ կարող է անկայունանալ: Միշտ էլ իրավիճակի սրման համար կա լուրջ վտանգ: Երկու կողմերն էլ ունեն բավականաչափ զենք, զրահատեխնիկա, ցանկացած պահի իրավիճակը կարող է սրվել:  Ցանկացած պահի կարող է պատերազմ սկսվել: Կա վտանգ, որ իրավիճակը դուրս գա վերահսկողությունից: Մարդիկ մինչ օրս ապրում են այս փակուղային հակամարտությամբ, մարդիկ խաղաղություն են ցանկանում»,- ասել է դեսպանը: