Ադրբեջանական կողմը հայտնում է զինվորի կորստի մասին

Ադրբեջանական minval.az-ը հայտնում է, որ մարտի 26-ին հայկական կողմի կրակոցների պատճառով ադրբեջանցի զինվոր է մահացել: Միաժամանակ Ադրբեջանի պաշտպանության նախարարությունը հերքել է հայկական կողմի տարածած հաղորդագրությունն այն մասին, որ կասեցվել է ադրբեջանական կողմի փորձը` ինժեներական աշխատանքների միջոցով դիրքերը առաջ տալու ուղղությամբ:

«Պաշտոնապես հայտարարում ենք, որ այդ տեղեկությունը չի համապատասխանում իրականությանը»,- ասված է Ադրբեջանի պաշտպանության նախարարության տարածած հաղորդագրության մեջ:

Ինչպես ավելի վաղ նշել է ՀՀ պաշտպանության նախարարությունը, մարտի 26-ին, ժամը 16։30-ի սահմաններում հայ-ադրբեջանական սահմանի հյուսիսարևելյան հատվածում, մասնավորապես՝ Բերդավան գյուղի մերձակայքում տեղակայված մարտական դիրքերի ուղղությամբ, միջդիրքային տարածքում, ադրբեջանական զինված ուժերի ստորաբաժանումները փորձել են ինժեներական աշխատանքներ իրականացնել՝ մոտեցնելով իրենց դիրքերը: