Նեթանյահուն ժամանել է Սպիտակ տուն․ ինչ կքննարկվի Թրամփի հետ հանդիպմանը․ մանրամասներ

 Իսրայելի վարչապետ Բենյամին Նեթանյահուն ժամանել է Սպիտակ տուն, նրան դիմավորել է ԱՄՆ նախագահ Դոնալդ Թրամփը։

Հանդիպումը տեղի է ունենում ԱՄՆ-ի առևտրային քաղաքականության փոփոխության ֆոնին։

Իսրայելի վարչապետը, ԶԼՄ-ների տվյալներով, ծրագրում է այցի ընթացքում անդրադառնալ մաքսատուրքերի թեմային:

Հաղորդվում է՝ օրակարգի առանցքային թեմաներից են Թրամփի մաքսային քաղաքականության ֆինանսական հետևանքները և Մերձավոր Արևելքում ընթացող հակամարտությունները:

Սպիտակ տան պաշտոնյաների խոսքով՝ ԱՄՆ նախագահ Թրամփը եւ Իսրայելի վարչապետ Նեթանյահուն մամուլի ասուլիսի փոխարեն Օվալաձեւ կաբինետում կպատասխանեն սահմանափակ թվով լրագրողների հարցերին: