Այսօր՝ Հայաստան-Ֆինլանդիա

Եվրո-2020-ի ընտրական փուլում Հայաստանի ազգային հավաքականն այսօր սեփական հարկի տակ մրցելու է Ֆինլանդիայի հետ: 3 օր առաջ Սարաեւոյում կայացած խաղում Արմեն Գյուլբուդաղյանցի թիմը 1:2 հաշվով պարտվել էր Բոսնիա եւ Հերցեգովինայի ընտրանուն:  Երեկ 2 հավաքականներն էլ բաց մարզում են անցկացրել «Հանրապետական» մարզադաշտում, իսկ գլխավոր մարզիչները պատասխանել են լրագրողների հարցերին: Այսօր կայանալիք հանդիպումը կմեկնարկի 21:00-ին: 

Ի դեպ, հանդիպմանը ներկա է լինելու նաեւ ՀՀ վարչապետ Նիկոլ Փաշինյանը. նա գրառում է կատարել ֆեյսբուքյան էջում: 

Այսօր նույնպես հանդիպմանը չի մասնակցի հարձակվող Յուրա Մովսիսյանը: Այս մասին նախախաղային ասուլիսի ընթացքում հայտնել է Արմեն Գյուլբուդաղյանցը:  Մարզիչը նշել է նաեւ, որ ամեն ինչ անելու են հաղթանակի հասնելու համար: 

Նշենք, որ բուքմեյքերները հավատում են հյուրերի հաղթանակին: Ֆինլանդիայի հավաքականի հաղթանակի գործակիցը կազմում է միջինը 2,4, Հայաստանի հաղթանակը՝ 3,2 գործակից: 

Խմբի մյուս խաղերում Իտալիայի հավաքականը սեփական հարկի տակ մրցելու է Լիխտեյնշտեյնի, իսկ Բոնսիայի ընտրանին հյուրընկալելու է Հունաստանի հավաքականին: