Թուրքական կործանիչները փորձել են խոցել Ցիպրասի ինքնաթիռին ուղեկցող ուղղաթիռը

Հունաստանի վարչապետ Ալեքսիս Ցիպրասը Հունաստանի` Օսմանյան կայսրության դեմ ապստամբելու և անկախանալու տարեդարձի տոնակատարության ժամանակ, որն անցկացվել է Ահաթոնիս կղզում, հայտարարել է, որ իրեն ուղեկցող ռազմական ուղղաթիռն ագրեսիայի է ենթարկվել թուրքական կործանիչների կողմից:

«Թուրքական կործանիչները, ինչպես միշտ, հունական կործանիչների կողմից հետ են շպրտվել: Թուրքիայի այս խախտումներն (օդային) անիմաստ են: Անտեղի բենզին են ծախսում»,- Ցիպրասի խոսքերն է մեջբերում BBC-ի թուրքական ծառայությունը:

Թուրքիան դեռևս չի պատասխանել այս հայտարարությանը:

Նշենք, որ Թուրքիան բազմիցս վիճարկել է ինչպես Ահաթոնիս, այնպես էլ մի շարք այլ հունապատկան կղզիների պատկանելությունը: