Մասիսում հոսպիտալացված 12-ամյա երեխայի վիճակը ծայրահեղ ծանր է

Առողջապահության նախարար Արսեն Թորոսյանի հանձնարարությամբ` նախարարի խորհրդականներն այցելել են Մասիս քաղաքում մարտի 23-ին ավտոմեքենայում բռնկված հրդեհից տուժած 12-ամյա երեխային:

Առողջապահության նախարարությունից տեղեկացնում են, որ  Ճառագայթային բժշկության և այրվածքաբանական գիտական կենտրոնում բուժում ստացող երեխայի վիճակը ծայրահեղ ծանր է` մարմնի 40 տոկոս ծածկույթի, նաև վերին շնչուղիների այրվածքով: 

«Առաջին պահից հիվանդը գտնվել է արհեստական շնչառության տակ: Բժիշկներն անում են ամեն բան, որպեսզի շնչառությունը պահվի, և կյանքին վտանգ չսպառնա: Առաջիկա օրերին երեխային անհրաժեշտ է լինելու ներարկել արյուն, պլազմա և սննդային մասսա, որը կապահովի առողջապահության նախարարությունը»,-ասվում է նախարարության հաղորդագրության մեջ: