Մոզամբիկում հզոր ցիկլոնի հետևանքով զոհվածների թիվը հասել է 200-ի. Reuters

Մոզամբիկում  հզոր ցիկլոնի և ջրհեղեղի հետևանքով զոհվածների թիվը հասել է ավելի քան 200-ի: Այն կարող է գնահատվել որպես հարավային կիսագնդի ամենավատ եղանակային աղետներից մեկը. հայտնում է Reuters լրատվական գործակալությունը:

Մոզամբիկի նախագահ Ֆիլիպպե Նյուսն ավելի վաղ  հեռուստատեսությամբ հանդես էր եկել` նշելով, որ զոհերի թիվն 84-ից աճել է` հասնելով 200-ի:

«Հյուսիսարևելյան Աֆրիկայում, ներառյալ` Զիմբաբվեում և Մոզամբիկում, 170 կիլոմետր արագությամբ (105 մղոն) քամիները մեծ վնաս են հասցրել ավելի քան 2.6 մլն մարդու»,- ընդգծել են ՄԱԿ-ի ներկայացուցիչները:

Փրկարարները շարունակում են պայքարել տուժածներին գտնելու և օգնություն ցույց տալու  համար: Հայտնի է, որ փրկվածներից շատերը հայտնվել են հեռավոր շրջաններում` շրջապատված ավերված ճանապարհներով, շինություններով և սուզված գյուղերով:  Կարմիր խաչից հայտնում են, որ Մոզամբիկի կենտրոնում առնվազն 400.000 մարդ անօթևան է մնացել:

«Սա Մոզամբիկի պատմության ամենավատ հումանիտար ճգնաժամն է»,- ասել է Ջեյմեյ Լեսուրը, որը Կանադայի Կարմիր խաչի և Կարմիր մահիկի միջազգային ֆեդերացիայի` Բեյիրում փրկարարականն աշխատանքների համակարգողն է:

Ավելի վաղ Yerkir.am-ը տեղեկացրել էր, որ Մոզամբիկում արևադարձային ցիկլոն է մոլեգնել: