Մոզամբիկում արևադարձային ցիկլոնի հետևանքով զոհերի թիվը հասել է 217-ի. նախարար

Մոզամբիկում արևադարձային ցիկլոնը հասցրել է խլել 217 մարդու կյանք, ավելի քան 15.000 մարդ դեռ հիվանդ է և կարիք ունի փրկվելու. ըստ Reuters-ի` տեղեկացրել է Մոզամբիկի հողային և շրջակա միջավայրի նախարար Սելոսո Կորեյրան:

«Մեր ամենամեծ պայքարը ժամանակի դեմ է»,- ասել է նախարարը` հավելելով, որ «իշխանությունները օգտագործում են բոլոր հնարավոր միջոցները կյանքեր փրկելու համար` աշխատելով օրական 24 ժամ»: Ըստ նրա` հաջողվել է փրկել 3000 մարդու:

«Իդայի» անունով արևադարձային ցիկլոնը, որն ունի մինչև 170 կմ/ժ. ուժգնություն, մեկ շաբաթ առաջ կործանել էր Մոզամբիկի Բեյրայի նավահանգիստը,  այնուհետև, ներթափանցելով Զիմբաբվե և Մալավի, փլուզել շենքեր և միլիոնավոր մարդկանց կյանքեր վտանգել: Այս պահին հայտնի է, որ Զիմբաբվեում մահացել է առնվազն 98 մարդ, իսկ Մալավիում `56: Մոզամբիկում զոհերի թիվը հավանաբար կավելանա, քանի որ փրկարարները շարունակում են փլատակների տակից մարմիններ գտնել:

Yerkir.am-ն ավելի վաղ տեղեկացրել էր,որ  Մոզամբիկում մարտի 15-ին հզոր արևադարձային ցիկլոն էր մոլեգնել: