Թուրքիան և Իրանը համատեղ գործողություն են իրականացրել ՔԲԿ-ի դեմ

Անկարան և Թեհրանն այսօր համատեղ գործողություն են իրականացրել Թուրքիայում արգելված Քուրդիստանի բանվորական կուսակցության դեմ: Այդ մասին հայտարարել է Թուրքիայի ՆԳՆ ղեկավար Սուլեյման Սոյլուն RT-ի հետ զրույցում. հայտնում է РИА Новости-ն:

«Անօդաչու թռչող սարքերով այնպիսի գործողություն ենք իրականացրել, որ այսուհետ ահաբեկչական կազմակերպություններն այլևս չեն հանի գլուխները սարերում: … Դրանք շունչ չեն քաշելու: Արմատախիլ ենք անելու: Մեր ազգը կազատենք դրանցից»,-ասել է նա:

Հիշեցնենք, որ ավելի վաղ հաղորդվել էր, որ նման գործողություն պետք է իրականացվի:

Տեղեկության համաձայն` գործողությունն իրականացվել է առավոտյան 8:00-ին: