Անմիջապես հրաժարվեք դատարանների անկախությանը խոչընդոտող քայլերից. ԵՄ-ի կոչը` Թուրքիային

4 տարվա ընդմիջումից հետո կայացել է ԵՄ-Թուրքիա համատեղ խորհրդի նիստը, որին մասնակցել են ԵՄ արտաքին քաղաքականության և անվտանգության գլխավոր ներկայացուցիչ Ֆեդերիկա Մոգերինին և ԵՄ հարևանության քաղաքականության և ընդլայնման հարցերով հանձնակատար Յոհաննես Հանը. հաղորդում է BBC-ի թուրքական ծառայությունը:

Նիստից հետո ԵՄ-ի հայտարարության մեջ մասնավորապես նշված է. «Կոչ ենք անում Թուրքիային` հրաժարվել դատարանների անկախության, օրենքի գերակայության, մարդու իրավունքների, հիմնարար արժեքների և ազատությունների վրա ներգործող ցանկացած նախաձեռնությունից»:

Թուրքիայի ԱԳՆ ղեկավարն էլ իր հերթին քննադատել է օրեր առաջ Եվրախորհրդարանի` Թուրքիայի անդամակցության բանակցությունները առկախելու վերաբերյալ որոշումը` հայտարարելով, որ «չեն կարող ասել, որ ԵՄ-ի որոշումը ողջախոհ քայլ է»: